Bailles y Dances

Los bailles y dances de los pueblos y conceyos d'Asturies yeren diferentes, anque polo xeneral teníen un mesmu nome: Xota, Muñeira, Xerandiya, Gallegada...

Los neños dende siempre nacen en contautu cola música, coles añaes. Y dende ehí van conociendo más y más cantares; dalgunos puen baillase a lo suelto, en corru. Otros puen danzase, en corru y agarraos del deu moñín como facíen yá los nuesos antepasaos según cuenten les cróniques de los romanos.



Calca equí

La ropa

Los homes y muyeres d'El Cabu Peñes en particular y d'Asturies en xeneral teníen una forma de vistir nos sieglos XVIII y XIX pero esa manera col pasu del tiempu llegó a desapaecer pa igualase cola moda venida d'otres partes del mundu. Esa forma de vistir rellacionábase sobre manera cola so profesión, asina nun yera igual la ropa que vistíen los llabradores que lo qu'usaben los pescadores.
 Anque tamién yera importante'l dineru que teníen, asina nun yera igual la ropa de xente rico y de xente probe.
Calca equí y míralo. Calca equí y xuega cola ropa.

N'asturianu presta más

Si te prestó la película que tien a Nemo como protagonista, n'asturianu va prestate muncho más.
Nemo ye un pexe payasu que vive con so padre y que por causes que nun se van cuntar equí (pa eso ta la película) sepártase de la única persona que tien nel mundu. Eso ye lo que se ve nel tráiler n'asturianu.
Pero dende mui allá tien qu'encarar un viaxe que va ser mui llargu pero qu'al final...

Pa dir pa la cama

Poco depués de cenar hai qu'entamar a preparar el día que va llegar non munches hores depués. Enantes d'echate escucha esti cantar.
Una idea de Canal 10 p'averar a los/les neños/es a los personaxes mitolóxicos asturianos. Sobre la base musical d'un cantar, anima a los más pequeños a dir pa la cama ayudándose de dibuxos animaos de cuélebres, bruxes, trasgos..., creando un decoráu asturianu sobre'l que presentar los últimos momentos del día de caún d'estos seres.

Biblioteca María Xosefa Canellada

María Xosefa Canellada (1913-1995) foi una de les filólogues españoles más importantes del sieglu XX y foi la primera escritora qu'usó n'asturianu pa la lliteratura infantil. La cabritina MONTESÍN, ye'l so personaxes más importante.
La Biblioteca Visual que lleva'l so nome ye una de les meyores maneres p'averase a la lliteratura infantil y xuvenil n'asturianu d'anguaño y d'antaño. Equí

La nuesa música

El Grupu de Baille Tradicional pa celebrar el so 25 aniversariu grabó dellos temes tradicionales d'El Cabu Peñes col envís de que se caltenguen na memoria, col envís de que nun desapaezan yá que la lliteratura y la música tradicional tán a nada de desapaecer si nun fuera por inicitiaves como esta..

Escúchanos

Patriband

La música tradicional pue entendese de munches maneres. Ente elles, la que propón la Patriband Folk Orl.lestra qu'amuesa sones tradicionales pero acompañada d'una lletra actual y moderna.

Dalgo paecío de xuru que pues facer tu con tolos sones asturianos que conoces